اسلام آباد 29 اګست (اے پي پي) د خارجه دفتر وياندې ممتاز زهره بلوچ وئيلي دي د پاکستان او اومان ترمېنځه په مسقط كښې په روانه اونۍ كښې د دوه اړخيزه سياسي مشاورت اتمه غونډه شوې۔ د خارجه دفتر وياندې د زيارت په ورځ د پرېس بريفنګ په مهال ووئيل په خبرو كښې مېنځني ختيز لپاره ايډيشنل خارجه سيکرټري سفير شهريار اکبر خان او د اومان په خارجه وزارت كښې د جي سي سي او ريجنل نيبرهوډ ډيپارټمنټ مشر سفير شېخ احمد بن حشيل بن راشد المسکري د خپلو خپلو هېوادونو د پلاويو مشري كړې۔ وياندې ووئيل ډلو د دواړو هېوادونو ترمېنځه د دوه اړخيزه اړيكو په ټولو اړخونو بشمول سياسي اړيكو، تجارت او سرمايه کارۍ، سلامتيا او د دفاع، كلتور، صحت او د قونصلر د چارو جامع جاج اخستلے شوے۔ د خبرو په مهال په ګڼ اړخيزه فورمونو د پاك اومان په مرسته هم د خيالاتو څرګندونه شوې۔ وياندې ووئيل ډلې په غزه د اسرائيل د جنګ او د فلسطينيانو په نسل كشۍ هم د تشويش څرګندونه كړې۔ دوي په سمدستي توګه او غېر مشروط جنګ بندۍ په ضرورت زور رواړے او د فلسطين يو د عمل وړ، خپلواكه او د متصل رياست جوړولو د مطالبې يي هم پخلے كړے۔
