اسلام آباد 28 ستمبر (اے پي پي) د پارلماني چارو وفاقي وزير ٬ اعظم خان سواتي وئيلي دي چې د ملګرو ملتونو عمومي اسمبلۍ ته د وزيراعظم وېنا تاريخي او د ستائنې وړ ده٬ د وزيراعظم وېنا د يو نړيوال لارښود وېنا وه چې ورسره د كشميري اولس د جذباتو عكاسي شوې۔ د خالي په ورځ په خپل يو بيان كښې ده ووئيل چې وزيراعظم نړيواله ټولنه په مقبوضه كشمير كښې د هند لخوا د كېدونكي ظلم نه خبره كړې۔ وزيراعظم په ډېرو ستونزو تفصيلي خبرې كړې دي او په خاص توګه د اسلام فوبيا په موضوع ئې رڼا اچولې۔ ده ووئيل چې وزيراعظم د نړيوالو مشرانو په وړاندې پاكستان او كشمير پوزيشن په واضح انداز كښې وړاندے كړے٬ په تېر وخت كښې په دې اړه دومره تفصيلي خبرې نه دي شوې۔
