اسلام آباد – 20 فيبروري (اي پي پي) وزيراعظم عمران خان اسمگلنگ جي خاتمي ۽ ٽيڪسن جي ڇنڊڇاڻ ۽ لاڳو ڪرڻ جي قدمن ذريعي 7 مهينن جي اوڳاڙين جا هدف حاصل ڪرڻ تي ايف بي آر جي عملي کي ساراهيو آهي. هڪ ٽوئيٽ ۾ وزيراعظم انفارميشن ٽيڪنالاجي سان ليس ٽرانسفارميشن پلان ۽ جديد ترين ٽريڪ اينڊ ٽريس سسٽم حاصل ڪرڻ تي پڻ ايف بي آر هيڊ آفيس جي ٽيم کي ساراهيو ۽ چيو ته جولاءِ 2021ع ۾ پوري فعاليت کانپوءِ ان سان اربين رپين جون اضافي اوڳاڙيون ٿينديون، جعلسازي جو خاتمو ٿيندو ۽ قانون جي حڪمراني قائم ڪرڻ ۾ مدد ملندي.
