اسلام آباد 23 نومبر (اے پي پي﴾ په پاكستان كښې د ناروے سفير خارجه دفتر ته طلب كولو سره په ناروے كښې د قرآن پاك د بې حرمتې د پېښې سخته غندنه شوې، د ناروے سفير د قرآن پاك په بې حرمتې د پاكستاني حكومت او اولس د اندېښنو نه خبر كړے شوے.د خارجه دفتر وياند له مخې په پاكستان كښې د ناروے سفير د خالي په ورځ خارجه دفتر ته طلب كړے شوے، پاكستان د ناروے په كرسټن سېنډ ښار كښې د قرآن پاك د بې حرمتې د پېښې سخته غندنه كړې او سفير د قرآن پاك په بې حرمتې د پاكستاني حكومت او اولس د اندېښنو نه خبر كړے شوے. د ناروے سفير ته وئيلي شوي دي چې په دې پېښه د پاكستان پشمول د ټولې نړۍ د يو ارب پنځلس كروړه مسلمانانو جذباتو ته سخت زيان رسېدلې، د رائې د اظهار د آزادې په نوم داسې پېښې د قبلولو وړ نه دي. د ناروے حكومت ته وئيلي شوي دي چې هغه دې ذمه واري د قانون منګولو ته وسپاري او په سباٶن كښې د داسې پېښو مخ نيوي لپاره دې كوټلي اقدامات وكړي. په اوسلو كښې د پاكستان سفير ته هم هدايت شوے چې هغه دې د ناروے حكومت د پاكستان د اندېښنې نه خبر كړي.
