اسلام آباد 19 ستمبر (اے پي پي)د اطلاعات او خپرونو لپاره د وزیراعظم خاص مرستيالې داكټر فردوس عاشق اعوان وئيلي دي المان كښې مېشته د پاكستانيان به د هندي جمهوريت اصل څېره نړۍ ته په ډاګه كولو او په مقبوصه كشمير كښې د رياستي ترهګرۍ ښكار كشميري اولس سره يوالي لپاره د ستمبر په 28مه نيټه عظیم الشان لاريون اوباسي۔ د زيارت په ورځ اے پي پي سره په خبرو كښې دې ووئيل هندي قابضو ځواكونو د مقبوضه كشمير اولس د بنيادي بشري حقونو او د مذهبي آزادۍ نه محروم او د تېرو څو اوونيو راهسې په عملي توګه په خپلو كورنو كښې محصور كړې دي۔ دې هيله څرګنده كړه چې په المان كښې مېشته ټول پاكستانيان به لاريون كښې ګډون او د كشمير د بې وسه اولس حق لپاره غږ پورته كوي۔ ډاكټر فردوس عاشق اعوان ووئيل د دې تاريخي لاريون د لارې به د كشميريانو د خپلواكۍ حق لپاره د المان او په اروپائي ميديا كښې غږ پورته كولې شي۔ دې ووئيل پاكستانيان د كشميريانو دړد محسوسوي او د دې تاريخي لاريون د لارې به په المان كښې مېشته پاكستانيان د كشمير په اړه خپله قامي فريضه ترسره كوي۔
