اسلام آباد – 04 – جنوري (اي پي پي) نگران پرڏيهي وزير جليل عباس جيلاني ايران جي پرڏيهي وزير حسين امير عبداللهيان سان ٽيليفون تي رابطو ڪيو ۽ ڪرمان ۾ ٿيندڙ خوفناڪ دهشتگرد حملي ۾ ٿيندڙ فوتگين تي گهري ڏک جو اظهار ڪيو. پرڏيهي آفيس جي ترجمان موجب نگران پرڏيهي وزير پاڪستان جي حڪومت ۽ عوام پاران ڏک جي هن گهڙيءَ ۾ ايراني عوام سان يڪجهتي جو اظهار ڪيو. هن دهشتگردي کي پاڪستان ۽ ايران ٻنهي جي لاءِ گڏيل خطرو قرار ڏنو جنهن جو موثر قدمن جي ذريعي مقابلو ڪرڻ جي ضرورت آهي.
