اسلام آباد۔1مئی (اے پی پی) صدرمملکت آصف علی زرداری مزدوراں دے جڳ ݙیھاڑ دے موقع تے پاکستان دی سماجی اتے اقتصادی ترقی کیتے کوشش کرݨ آلے محنت کشاں کوں خراج تحسین پیش کریندیں ہوئیں آکھیا جو محنت کش طبقے دے حالات کوں بہتر ٻݨاوݨ کیتے مناسب اجرت، محفوظ ماحول، صحت دی سہولتاں اتے ٻالاں دی تعلیم بارے اقدامات دی لوڑھ اے۔ بدھ کوں ایوان صدر دے پریس ونگ توں جاری بیان موجب صدرمملکت آپݨے سنیھے اچ آکھیا جو اڄ دا جڳ ݙیھاڑ ملکی سماجی اتے اقتصادی ترقی کیتے کوشش کرݨ آلے محنت کشاں کوں خراج تحسین پیش کرݨ کیتے منایا ویندا پئے۔ محنت کش طبقے دے حالات کوں بہتر ٻݨاوݨ کیتے مناسب اجرت، محفوظ ماحول، صحت دی سہولتاں اتے ٻالاں دی تعلیم بارے اقدامات دی لوڑھ اے۔
