اسلام آباد 30 دسمبر (اے پی پی) د بهرنيو چارو وزير شاہ محمود قریشی وئيلي دي هند په مقبوضه جمو او کشمیر كښې مواصلاتی بلیك آؤټ او د کرفیو په نتيجه كښې د کشمیریانو غږ ته زيان رسوي، دا جنګ د كوم مذهب، سيمې او تر ژبې محدود نه دے بلكه ټول هند كښې خپور شوي، هند ته زيان دا مهال د هغوي د هندوتوا سوچ څخه رسيږي چرته چې اقلیتونه د عدم تحفظ ښکار دي، داسي ښكاري چې هند د كورني اړي ګړي څخه پام ګرځولو له هند په کشمیر كښې څه نوي ډرامه كوي، بايد نړيواله ورورولي د دې خبر واخلي۔ د ګل په ورځ هند او سيمه كښې د امن تشویشناكې وضعې په اړه خارجه وزير مخدوم شاہ محمود قریشی په خپل يو بيان كښې ووئيل هند كښې د علماء کرامو سره ناروا سلوك كېږي په كوم چې ټول شعور لرونكې انسانان دړدېږي۔ ده ووئيل پریانکا ګاندھی غوندې شخصیت باندې چې كله پولیس د تشدد كولو هڅه وكړه نو داسې معلومه شوه چې د عام وګري سره به د پولیس رویه څه وي۔ ده ووئيل داسې حالات په ټول هند كښې روان دي خو بيا هم مودی سرکار د دې څخه بې خبره دے ، هغوي تر هغه حده رسيدلې چې راستنيدل ترې ممكن نه دي۔ ده ووئيل مقبوضه جمو او کشمیر كښې د کمیونیکیشن بلیك آؤټ او کرفیو سره هغوي د بې ګناه كشميريانو غږ ته د زيان رسولو هڅه كوي خو د ټول هند اولس به څنګه منع كړي۔ ده ووئيل د اتوار په ورځ هند كښې چې كومې مظاهرې شوي هغه د ټولو په وړاندې دي ، اوس دا جنګ د يو مذهب، سيمې او تر ژبې محدود پاتې نه دے بلکه په ټول هند كښې خپور شوي، هند دا مهال پھ بشپړه ډول په دوه نظریات وېشلې شوي چې پكښې يو پلو سیکولر هندوستان دے كوم چې احتجاج كوي بل پلو د هندوتوا نظریه ده كومه چې مودی سرکار مسلط کول غواړي۔ شاہ محمود قریشی ووئيل بايد دا مهال نړۍ چپ پاتې نشي او نړيواله ورورولي په دې نوټس واخلي ځكه چې پھ هند كښې اقلیتونه د عدم تحفظ ښکار دي۔ ده ووئېل مونږ ته داسې ښګاري چې هند د كورني انتشار څخه پام ګرځولو له په کشمیر كښې څه نوي ډرامه كول غواړي، يوې طبقې خو تر دې وئيل پيل كړي چې په هند كښې دننه څه هم كېږي د هغې په شا د پاکستان لاس دے ۔ خو زما په خيال هغوي هيڅ عقل نه لري۔ ده ووئيل هند ته دا مهال زيان د خپل ځان څخه رسي۔ ده ووئيل نن د قائد اعظم دوه قامی نظریې صداقت ټولو منلے دے، نن د کشمیریانو سترګي پرانستلې شوي او د كشمير هغه خلق كوم چې وړاندې د هند مرستيال وو نن د هندي سركار په ضد
