اسلام آباد۔30نومبر(اے پی پی) وفاقی وزیر سرمایہ کاری عبدالعلیم خان آکھیے پاکستان اتے آذربائیجان دےتعلقات کوں مزید تکڑا تے ݙوہیں ملکاں وچال رابطے ودھاوݨ چاہندن ،پاکستان سیاحت سودھے آذربائیجان نال مختلف شعبیں اچ ݙو پاسے تعاون کوں ودھا سڳدے، جاری بیان موجب آذربائیجان دے پاکستان اچ سفیرخضر فرادوف وفاقی وزیرعبدالعلیم خان نال ملاقات کیتی ۔ملاقات اچ پاکستان تے آذربائیجان وچال تجارتی شراکت داری دے ودھارے تے اتفاق کیتا ڳئے ۔عبدالعلیم خان آکھیے اڄوکے دورہ آذربائیجان یادگار، اتھاں ملاقاتاں مثبت اتے امید افزاء رہیاں۔وفاقی وزیرآکھیے سانجھے تعلقات کوں مزید تکڑا تے پاکستان تے آذربائیجان اچ رابطے ودھاوݨ چاہندوں ،پاکستان سیاحت سودھے آذربائیجان نال مختلف شعبیں اچ ݙوپاسے تعاون ودھا سڳدے ۔ اساکوں آپݨے سانجھے تعلقات کوں بزنس تے ݙوپاسے ٹریڈ اچ بدالݨ دی لوڑھ اے ۔وفاقی وزیر آذربائیجان دی کمپنیاں کوں وی پاکستان اچ سرمایہ لاوݨ تے بزنس کرݨ دی پیشکش کیتی۔ملاقات اچ کراچی توں سکھر اتے سکھر توں حیدرآباد دے ایم 6 تے ایم 9 موٹرویز سانڳے سرمایہ کاری تے وی ڳالھ مہاڑ کیتی ڳئی آذربائیجان دے سفیرملاقات اچ پاکستان نال تعاون ودھاوݨ دا عزم کیتے ۔وفاقی وزیر آکھیے پاکستان اچ غیر ملکی سرمایہ کاراں سانڳے مختلف شعبیں اچ وݙے موقع موجود ہن ۔سفیر آذربائیجان خضر فرادوف آکھیے پاکستان اچ سرمایہ کاری اتے مشترکہ منصوبیں تے کم کریسوں ۔ ملاقات اچ پاکستان، آذربائیجان تے ترکیہ دے ترائی ملکاں دی مشترکہ کوششاں دی تجویز تے وی غور کیتا ڳئے ۔ انہاں آکھیے آذربائیجان سانڳے بورڈ آف انویسٹمنٹ توں فوکل پرسن دے ذریعے رابطہ رکھیا ویسی۔
