اسلام آباد 21 اګست (اے پي پي) خارجه دفتر په ايران كښې په ټرافيكي پيښه كښې د پاکستانو زائرينو د حق رسېدلو غمژنو كورنيو سره غمرازي او خواخوږي ښكاره كړې٬ د پاكستان زائرين د ايران په يزد ښار كښې په ټرافيكي پېښه كښې پحق رسېدلي۔ د خارجه دفتر وياندې لخوا د شورو په ورځ د جاري بيان له مخې د نائب وزيراعظم او خارجه وزير په امر په زاهدان كښې د پاکستان قونصل ته د پېښې ځاے ته د رسېدو او د صورتحال د جاج اخستو ذمه واري وركړې ده۔ وياندې ووئيل مونږ ژوبل شوو ته طبي مرسته وركولو لپاره ځائي چارواكو سره په تماس كښې يو او ھغوي به مړي پاكستان ته د رالېږلو هم انتظام كوي، پحق رسېدليو كښې زيات كسان د سندھ سره تعلق لري۔ بيان له مخې خارجه وزارت په دې هلو ځلو كښې په مرسته كولو او مړي هېواد ته رالېږلو كښې سهولت وركولو لپاره خپل کرائسز مينجمنټ يونټ فعاله کړے۔ وياندې ووئيل په تهران كښې د پاكستان سفير او په زاهدان كښې قونصلر د تهران او زاهدان ځائي چارواكو سره په تماس كښې دے دغسې چې مړي رېسكيو كړي او هېواد ته د رالېږلو عمل ګړندې كړي او ژوبل شوو ته په درملنه كښې سهولت وركړي۔
