پېښور 01 اګست (اے پي پي) وزيراعظم محمد شهباز شريف وئيلي دي چې افغان لنډمهاله حكومت له خپله خاوره په كوم بل هېواد كښې ترهګرۍ لپاره د استعمالېدو لاره نيولو لپاره كوټلي ګامونه پورته كول پكار دي، د ترهګرۍ بزدلانه بريدونه د ترهګرۍ خاتمې لپاره زمونږ عزم كمزورې كولې نشي۔ د نهې په ورځ د وزيراعظم آفس ميډيا ونګ لخوا د جاري بيان له مخې وزيراعظم محمد شهباز شريف او د پوځ سرلښكر جنرال سيد عاصم منير د پېښور دوره٬ د دورې په مهال وزيراعظم ته د صوبې د مجموعي امنيتي وضعې پشمول د خار ځانمرګي بريد٬ په زير تفتيش تحقيقاتو كښې د پيشرفت، د منصوبه سازو، د ترهګرو او د سهولت كارو ترمېنځه د روابطو خاتمې او د ترهګرۍ مخنيوي اقداماتو پحقله بريفنګ وركړو۔ وزيراعظم په ځانمرګي بريد كښې د افغان وګړو د ملوث كېدو٬ د پولې پورې غاړې څخه په بې ګناه وګړو د بزدلانه بريدونو د منصوبه بندۍ كولو او د پاكستان دښمن عناصرو په كاروائيو د تشويش څرګندونه وكړه۔ په دې موقع وزيراعظم ووئيل چې افغان لنډمهاله حكومت له خپله خاوره په كوم بل هېواد كښې ترهګرۍ لپاره د استعمالېدو لاره نيولو لپاره كوټلي ګامونه پورته كول پكار دي٬ د ترهګرۍ بزدلانه بريدونه د ترهګرۍ خاتمې لپاره زمونږ عزم كمزورې كولې نشي، د قام په مرسته به امنيتي ځواكونه او قانون نافذ كوٶنكې ادارې دا خبره باوري كوي چې د بزدلانه بريدونو ذمه وار به ډېر زر انصاف سره مخ كولې شي۔ وزيراعظم د ژوبل شويو كسانو خار څخه پېښور ته منتقل كولو لپاره د پاك آرمي د هنګامي هلو ځلو ستائنه وكړه ۔ په دې موقع وزيراعظم او د پوځ سر لښكر د ژوبل شويو كسانو عيادت لپاره د سي اېم اېچ دوره هم وكړه او د دوي د صحت پحقله ئې معلومات وكړل۔ وزيراعظم اوړوند چارواكو ته د ژوبل شويو تر بشپړه صحت د دارو درملو د بهترين سهولتونو وركولو امر وكړو۔ وزيراعظم د خار په ځانمرګي بريد كښې ځپليو كورنيو له باور وركړو چې قام د غم په دې ګهړۍ كښې تاسو سره ولاړ دے او ستاسو په زيان او غم كښې برابر شريك دے۔ د دې نه وړاندې د پېښور كور كمانډر د وزيراعظم او د پوځ د سرلښكر پېښور ته په رارسېدو هركلے وكړو۔
