اسلام آباد۔8جولائی (اے پی پی) وزيراعظم شهباز شريف د سوئزرلينډ نورو كمپنو ته په پاكستان كښې په خاص توګه د قابل تجديد انرجۍ او آئي ټي په څانګو كښې د سرمايه كارۍ بلنه وركولو سره ويلي پاكستان سوئزرلېنډ سره خپلو اړيكو ته ډېر اهميت وركوي كومې چې د جمهوريت په بنيادي اصولو او د قانون په سرلوړۍ د باور لرلو په بنياد اډانه دي۔ وزيراعظم د دې خيالاتو څرګندونه د خالي په ورځ په نتھياګلي كښې د سوئس كنفيډريشن خارجه وزير او وفاقي قونصلر اګنازيوكاسس سره د ملاقات په مهال وكړه كوم چې د وزيراعظم په بلنه د جولائي 7 مې څخه تر 9 مې نېټې د درې پارليماني غرو په ملګرتيا كښې د پاكستان دوره كوي۔ وزيراعظم د دې خبرې پخلې وكړو چې پاكستان سوئزرلېنډ سره خپلو اړيكو ته ډېر اهميت وركوي كومې چې د جمهوريت په بنيادي اصولو او د قانون په سرلوړۍ د باور لرلو په بنياد اډانه دي۔ فريقېنو د دوه اړخيزه اړيكو په خاص توګه د ماحولياتي او موسمياتي بدلونونو ٬ تجارت، سرمايه كارۍ، پرمختيائي همكارۍ ٬ د لوړو زده كړو او پروفيشنل ټريننګ په څانګو كښې اړيكو ته لا وده وركولو له د خپل لوظ پخلے وكړو۔ وزيراعظم د تېر كال سېلاب په مهال پاكستان سره په مرسته كولو د سوئس حكومت مننه وكړه۔ وزيراعظم د سوئس کاروباري ادارو د مسئلو او چارو حل كولو او د كار د اخلاقياتو تګلاره هم وستائله او د سوئزرلينډ نورو كمپنو ته يۍ په پاكستان كښې په خاص توګه د قابل تجديد انرجۍ او آئي ټي په څانګو كښې د سرمايه كارۍ بلنه وركړه۔ دواړو خواوو د دواړو هېوادونو د سوداګرو او سرمايه كارو چېنلز كارولو سره د ماحولياتي سېلګرۍ او اړوندې بنيادي اډانې پرمختګ په شمول مجموعي سېلګرۍ ته وده وركولو كښې په همكارۍ كولو هم موافقت وكړو او پرېكړه يۍ وكړه چې د همکاريو د لارو چارو د لا پرمختګ لپاره به يوه غونډه زر راوبللې شي۔ وزيراعظم د پاكستان او سوئټزر لېنډ ترمينځه د آفاتو مخنيوي انتظام حوالې سره د مفاهمت په يادښتونو د راجوړې كړې شوې دستورې مشاهده هم وكړه۔ د موسمياتي بدلون و فاقي وزيرې شېري رحمان په دې موقعه پاكستان كښې د موسمياتي خطرو او مسئلو په اړه بشپړه پرېزنټېشن وركړو۔ دې ووئيل ددې خطرو او آفتونو په مخنيوي كولو زيات رقم مصرف كېږي خو بيا هم پاكستان د خپل استعداد له مخې اقدامات كوي۔ وفاقی وزیرې د لیونګ انډس انېشئټو او ډېلټا بلیو کاربن پروجیکټ په څير نورو اړوند پروګرامونو څخه پلاوې خبر كړو۔ دا خبره دې ياده وي چې په تېرو 17 كلونو كښې دا د سوئټزرلېنډ د كوم خارجه وزير د پاكستان اولنۍ دوره ده۔ د سوئس کنفېډرېشن خارجه وزير او وفاقي قونصلر اګنازیوکاسس دورې سره د دواړو هېوادونو ترمينځه د ملګرتيا اړيكې لا پياوړې كولو كښې مرسته ترلاسه شوې ده۔
