اسلام آباد 08 جون (اے پي پي﴾ د پارلماني چارو دوهم وزير علي محمد خان وئيلي دي چې د نوې قانون سازې په ځائ په موجوده قوانينو په ريښتينې معنٰي د عمل كولو ضرورت دے٬ حكومت د مخالفې ډلې د كوم تحريك نه يره نه لري۔ د خالي په ورځ په خپل يو بيان كښې ده ووئيل چې اوسني حكومت د مخالفې ډلې د مشرانو په ضد كوم كېس نه دې درج كړے خو په بدعنوانې كښې ككړ عناصر به احتساب سره مخ كېږي۔ ده ووئيل چې حكومت د مخالفې ډلې د كوم تحريك نه يره نه لري ځكه چې حكومت د اولس خېر ښېګړې او د هېواد پرمختګ لپاره كار كوي۔ ده ووئيل چې احتجاج كول د مخالفې ډلې آئيني حق دے خو خلق به د دوي ملاتړ ونه كړي ځكه چې د مخالفې ډلې مشران په خپلو خپلو وختونو كښې په بدعنوانې كښې ككړ پاتې شوي دي۔
