اسلام آباد 30 نومبر(اے پی پی) وزيراعظم عمران خان وئېلي دي پاكستان منطقه كښې امن غواړي٬امن د وړاندې تللو يواځنۍ لار ده٬پاكستان او هند دوه اتومي طاقتونه دي كوم جې د جنګ متحمل كېدې نه شي٬په نړۍ كښې هېڅ څيز ناممكن نشته٬د كشمير مسئلې حل د خبرو اترو د لارې لټېدې شي٬پاكستان كښې ذهن بدل شوې ٬هند له به هم ذهن بدلول وي٬كرتارپور راهداري پرانستل د سكھ ورورولۍ پخوانۍ غوښتنه وه٬د هندي ياتريانو د ويزو وركول به آسانوو۔ده د جمعې پھ ورځ د هند راغلېو خبريالانو سره خبرې اترې كولې۔په دې مهال د اطلاعات وفاقي وزير چوهدري فواد حسېن او د زده كړو وفاقي وزير شفقت محمود هم د ده سره ملګري وو۔وزيراعظم ووئيل كله به چې ما كركټ كولو نو هند څخه د ماتې خوړلو به كوم آفشن زما سره نه ؤ ٬اولسي فشار به دومره زيات وو چې چرته د هند د لاسه ماتې ونه خوروو٬ ده ووئېل د هغه وخت نه د آمن خواهش هم ؤ ٬د كرتار پور راهدارۍ پرانستې عمل په پاكستان كښې ستائېلې شوې او د هند صورتحال تاسو ښه بيانولې شئ٬ وزيراعظم عمران خان ووئېل څومره چې زه د هند په اړه معلومات لرم نو په هند كښې هم اكثريت دا عمل ستائېلې٬ ده ووئېل ماته ښه ياد دي چې زه يو كنفرنس له هند ته تللې ووم او هغه وخت من موهن سنګ وزيراعظم ؤ ٬ده ووئېل د كشمير مسئله هند د پرمختګ كولو څخه ايساره وي او زه هم دا وائيم۔وزيراعظم ووئيل زما ايمان دے چې څه هم ناممكنه نه دې۔زه وائيم كه مونږ پريكړه وكړه چې دا مسئله حل كول دي نو دا به حل شي او دا مسئله مونږ وړاندې تللو څخه رايساروي ۔ده ووئيل مونږ چې كله هم وړاندې ځو نو يوه نه يوه پېښه مونږ د وړاندې تللو څخه منع كوي٬د ممبئي پیښې په سوب خبرې اترې ځنډ سره مخ شوي ۔وزيراعظم ووئيل ما په اولنۍ وېنا كښې وئېلي وو كه هند يو قدم راوړاندې شي نو مونږ به دوه قدمه وروړاندې شو ٬ ولې د هند لخوا ښه غبرګون رامخې ته شنو ۔ ده ووئېل د ملګرو ملتونو د عمومي اسمبلۍ غونډې په مهال په نيويارك كښې د خارجه وزيرانو ملاقات هم هند منسوخ كړے۔د يوې پوښتنې په ځواب كښې وزيراعظم عمران خان ووئيل ترهه ګرۍ لپاره د پاكستان زمكه كارول زموڼږ په ګټھ نه ده٬د امريكې لخوا تور لګولې شوې چې امريكې 17 كاله افغان جنګ ځكه نه دې ګټلې چې د پاكستان څخه ترهه ګر راځي۔ده ووئيل كه دا د پاكستان په ګټه وې نو بيا مونږ په دومره روپو مصرف كولو په افغان پوله خاردار تار ولې لګوو۔وزيراعظم ووئيل د افغانستان 27 لكه افغان كډوال دلته مېشته دي٬پاكستان هڅه كړې چې دوي په عزت سره خپل هېواد ته ولېږي ۔د كشمير مسئلې په اړه د يوې پوښتنې په ځواب ده ووئيل دا د دې مسئلې د حل او بحث فورم نه دې۔ده ووئيل زه دا نه وائيم چې د دې مسئلې كوم آسان حل شته٬مونږ په 70 كلونو كښې كوم حل ته نه يو رسېدلې ۔د دې څه نه څه سوبونه شته۔ وزيراعظم ووئيل دواړو هېوادونو له دا مسئله حل كول مشكل دي ولې زه باور لرم چې د دې حل شته او دا به هله رامخې ته شي كله چې مونږ خبرو ته كېښنو۔ده ووئيل مونږ پاكستان يو فلاحي رياست جوړول غواړو۔عمراخ خان ووئيل مونږ به هندي ياتريانو له د ويزو وركول آسانوو٬د حافظ سعيد په اړه د پوښتنې په ځواب ده ووئيل په حافظ سعيد او د هغه په ګوند د ملګرو ملتونو لخوا بندېزونه لګېدلې او د ممبئي پېښې په اړه په نورو وګړو عدالتونو كښې مقدمې روانې دي۔وزيراعظم ووئيل دا منطقه د نړۍ هغه برخه ده كومه چې ډېر څه ترلاسه كولې شي۔ستاسو لپاره هندوستان لوے هېواد دے٬لويه جي ډي پي لري٬د نمو شرح يې ښه ده٬ ده ووئېل هندوستان ته امن څخه ګټه رسېدې شي او پاكستان هم د دې څخه ګټھ پورته كولې شي۔د يوې پوښتنې په ځواب ده ووئيل د هندي وګړي حامد انصاري معاملې ته به په سمدستي توګه ګورو او په دې لړ كښې چې څه ښه وي هغه به كولې شي۔د مقبوضه كشمير صورتحال په اړه د يوې پوښتنې په ځواب كښې ده ووئيل په سوشل مېډيا وينو چې هره ورځ مړي كېږي ٬مېرمنې ژاړي٬خلق مري٬ د هند حكومت دې د كشمير خلقو اولس لپاره څه خو وكړي٬ ده ووئېل د پراخه خېرسګالۍ لپاره به دواړو هېوادونو له هڅې كول وي
