لاهور 29 نومبر (اے پی پی) د مذهبي چارو وفاقي وزير نورالحق قادري وئېلي دي د وزيراعظم عمران خان د احكاماتو په رڼا كښې د اقليتونو خوشحالۍ او خېرښېګړې له ټول ګامونه پورته كولې شي٬ د كرتارپور راهداري جوړولو سره ټولې نړۍ ته د پاكستان اقليت نواز هېواد پېغام رسېدلې ۔د هند لخوا وزيران د امن سفيرانو په طوګه دستوره كښې ګډون كولو له پاكستان ته راغلي٬په دې مونږ د هند حكومت مننه كوو۔د زيارت په ورځ يوې دستورې ته په خپل خطاب ګښې ده ووئيل ٬د متروكه وخت املاك بورډ تر انتظام لاندې د ګوردوارو پشمول د ا قليتونو د عبادت ځايونو امنيت٬رنګ روغن او د املاكو ساتنې له ګامونه پورته كولې شي چې له امله يې د بهر هېواد څخه راغلې ياتريانو د پاكستان حكومت مننه كړې ده ۔ سكھ لارښود امر جيت سنګه ووئيل د راهدارۍ جوړېدو سره فاصلې كمې شوي ۔په هند كښې اوسېدونكې د كروړونو په شمېر سكھان ياتريان به په څو دقيقو كښې د ګورواره صاحب درشن كولې شي۔دا د ټول سكھ قام لپاره د اعزاز خبره ده٬ هغه ووئېل مونږ په پاكستان كښې په ترلاسه كېدونكو آسانيو د پاكستانې حكومت مننه كوو۔د متروكه وخت بورډ چيئرمېن طاهر احسان ووئيل دې دستورې سره د بورډ نيك نامي زياته شوې او د ټرسټ بورډ بشپړه نمائندګي شوې٬په دې مونږ د وزيراعظم عمران خان او وفاقي وزير پيرنورالحق قادري مننه كوو۔
