اسلام آباد – 27 – جولاءِ (اي پي پي) وزيراعظم محمد شهباز شريف ڪيپٽن محمد سرور شهيد کي شهادت جي ڏهاڙي تي سندس جرئت ۽ بهادري کي خراج عقيدت پيش ڪندي چيو آهي ته قوم جي ان بهادر فرزند دشمن جي ڪشمير تي جارحاڻي قبضي جي ناپاڪ ارادن کي خاڪ ۾ ملائيندي شهادت ماڻي. پاڪستان جي قوم پنهنجي شهيدن جي قربانين کي ڪڏهن به نه ٿي وساري سگهي. پنهنجي ٽوئيٽ ۾ هن چيو ته مون سميت سڄي قوم اڄ ملڪ جي پهرين نشان حيدر ماڻيندڙ محمد سرور شهيد جي شهادت جي ڏهاڙي تي ان کي ان جي جرئت ۽ بهادري تي خراج عقيدت پيش ڪري ٿي. قوم جي ان بهادر فرزند دشمن جي ڪشمير تي جارحاڻي قبضي جي ناپاڪ ارادن ۾ خاڪ ۾ ملائيندي شهادت ماڻي. وزيراعظم چيو ته سندس جرئت ۽ بهادري هڪ اهڙو مثال قائم ڪيو جنهن تي عمل ڪندي پاڪستاني قوم جي جوانن سدائين ملڪ جي دفاع کي پنهنجي جانين تي فوقيت ڏني. پاڪستان جي غيرتمند قوم پنهنجي شهيدن جي قربانين کي ڪڏهن به وساري نه ٿي سگهي.
