اسلام آباد – 14 – جولاءِ (اي پي پي) وزيراعظم محمد شهباز شريف چشما – 5 نيوڪليئر پاور پلانٽ جي پيڙهه جو پٿر رکڻ جي لاءِ ميانوالي روانو ٿي ويو. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف جي خصوصي دلچسپي ۽ ڪوششن جي نتيجي ۾ چشما نيوڪليئر پاور پلانٽ يونٽ 5 جي نه رڳو لاڳت ۾ گهٽتائي ڪئي وئي پر ان جي سگهه کي 1100 ميگاواٽ مان وڌائي 1200 ميگاواٽ ڪيو ويو آهي. چشما – 5 جنهن جي معاهدي تي 2017ع ۾ صحيحون ٿيون هيون، گذريل 5 سالن کان التوا جو شڪار هو. وزيراعظم محمد شهباز شريف جي ملڪ ۾ گهٽ لاڳت ۽ ماحول دوست بجلي جي ويزن تحت ان منصوبي تي ڪم کي ٻيهر شروع ڪيو پيو وڃي. وزيراعظم ان موقعي تي تقريب کي خطاب پڻ ڪندو.
