اسلام آباد – 21 – ڊسمبر (اي پي پي) پرڏيهي وزير بلاول ڀٽو زرداري چيو آهي ته يو ايس ايڊ ايدمنسٽريٽر سمانٿا پاور سان هڪ نتيجاخيز ملاقات ٿي آهي. پرڏيهي آفيس موجب پرڏيهي وزير پنهنجي ٽوئيٽ ۾ چيو ته ملاقات دوران پاڪستان ۾ ٻوڏ کي منهن ڏيڻ جي لاءِ مدد ڪرڻ تي ان جي قيادت جا ٿورا مڃيا. پرڏيهي وزير انڊر سيڪريٽري جنرل پاران 97 ملين ڊالر جي امداد کي ساراهيو. بلاول ڀٽو زرداري چيو ته ملاقات ۾ ٻوڏ کان متاثر علائقن جي بحالي ۽ نئين سر تعمير جي لاءِ ڊگهي مدي واري تعاون تي خيالن جي ڏي وٺ ڪئي.
