اسلام آباد۔24جنوري (اے پي پي) په هېواد كښې د تېل او ګاز لټون لپاره د اته بلاكس لوظنامې لاسليك شوې دي٬ د تېل او ګاز كمپنۍ به په دريو كالو كښې د درې كروړه 33 لكه ډالرو څخه زياته سرمايه كاري كوي۔ د لاسليك دستوره د شورو په ورځ شوې چې پكښې د توان نګران وفاقي وزير محمد علي، د وزيراعظم خاص مرستيال ډاکټر محمد جهانزېب خان، د اېس آئي اېف سي کے ډائريکټر جنرل مېجر جنرل تبسم حبيب (هلال امتياز ملټري) او نېشنل کوآرډينيټر لېفټيننټ جنرل (ر) محمد سعيد هم موجود په دې مهال وٶ۔ په لوظنامو د پاكستان حكومت لخوا د پټروليم ډويژن سېكرتري مومن آغا٬ د پټروليم كسېشنز ډائريکټر جنرل کاشف علي ٬ د او جي ډي سي اېل منېجنګ ډائريکټر احمد حيات لك، د پي او اېل چيئرمېن شعېب ملك، د پي پي اېل چيف آپرېټنګ آفسر سکندر علي مېمن او د يو اي پي ايکسپلورېشن مشر ډاکټر نديم احمد لاسليك وكړو٬ بلاکس كښې چې د تېل او ګاز د لټون كوم لائسنسز وركړے شوي په ھغې كښې کوټرا ايسټ، مرادي، سهون، ملتانائي، زندان ټو، ساون ساٶتھ، ګمبټ ټو او سرونا وېسټ شامل دي٬ په لائسنس ترلاسه كوٶنكو كښې يوه كمپني د چين هم شامله ده۔
