اسلام آباد ۔12 اکتوبر(اے پی پی)چیف جسٹس آف پاکستان جسٹس میاں ثاقب نثار نال ترک نائب وزیر خارجہ یاﺅز سلیم کرن دی قیادت اچ ترکی دے وفد جمعے کوں اتھاں خیر سگالی ملاقات کیتی ۔ملاقات دے دوران پاکستان اچ ترکی دے سفیر احسان مصطفی یرداکل وی موجود ہن ۔ وفد دا خیرمقدم کریندے ہوئیں چیف جسٹس آف پاکستان میاں ثاقب نثار آکھیا جو ڈوہیں ملکاں وچال دوستانہ تعلقات ہن تے ڈوہیں ملک سانجھے سماجی اقدار دے حامل ہن ۔تے ڈوہیں ہک ڈوجھے دے سانجھے تجربے توں فائدہ چا سگدن ۔ وفد چیف جسٹس آف پاکستان دا شکریہ ادا کیتا ، ترکی دے نائب وزیر خارجہ خیر سگالی دے طورتے چیف جسٹس آف پاکستان کو سوینیئر پیش کیتا ۔
