اسلام آباد 20 اګست (اے پي پي) وزيراعظم محمد شهبازشريف د فلسطين مسئلې منصفانه او كوټلې حل له د پاکستان د كلك عزم او مرستې پخلې كولو سره ووئيل د فلسطين په آزاد رياست جوړيدو د فلسطين مسئله حل كيدې شي۔د دې خيالاتو څرګندونه ده د نهې په ورځ د فلسطين موده ترسره كونكې سفير احمد جواد عبدالعزيز رابعي سره خبرو كښې وكړه چا چې وزيراعظم هاؤس كښې ده سره ملاقات کولو ۔ملاقات كښې وزيراعظم د فلسطين اولس او د هغوې د خپلواكۍ حق لپاره د پاکستان د غير متزلزل مرستې پخلے وكړو۔ ده د 7 اکتوبر 2023 راهسې په غزه كښې د بے ګناه فلسطينيانو په ضد د اسرائيل د جارحانه کارروائيو غندنه وكړه د كومې په نتيجه كښې چې د ميرمنو او ماشومانو پشمول 40 زره څخه زيات بے ګناه فلسطينيان شهيدان او 90 زره څخه زيات ژوبل شوي دي۔ وزيراعظم د دوه رياستي حل د لارې د فلسطين مسئلې منصفانه او كوټلې حل لټولو هڅو لپاره د پاکستان د كلك عزم پخلے وكړو۔ وزيراعظم ووئيل د ملګرو ملتونو قراردادونو له مخې د 1967 څخه وړاندې پولو او القدس پايه تخت په حېث تسليمولو كښې د فلسطين يو آزاد رياست جوړولو كښې د دې مسئلې حل پروت دے۔احمد جواد عبد العزيز رابعي خپله 5 كلنه موده كښې د پاکستان د اړخه په ښه ميلمستياﺀ د وزيراعظم مننه وكړه۔ده د فلسطين په مسئله د پاکستان تاريخي او كوټلې موقف او سيمه كښې د امن او استحکام لپاره نړيوالو هڅو كښې د پاکستان کردار وستائلو۔ احمد جواد عبد العزيز رابعي د فلسطين زدكوونكو له په پاکستان كښې د تعليم لپاره په ټولو آسانيو وركولو د پاكستان حکومت مننه وكړه۔
