لاهور۔23جون(اے پی پی) وزيراعظم محمد شهباز شريف وئيلي دي د پاكستاني وګړو او په هيواد كښې د ميشته بهرنيو تحفظ د رياست په اولنو ترجيحاتو كښې شامل دے٬ د امن په ځايې كولو او وګړو ته تحفظ وركولو كښې به هيڅ ډول غفلت زغملے نه شي۔ د اتوار په ورځ د وزيراعظم آفس د ميډيا ونګ لخوا جاري شوي بيان له مخې د وزیراعظم په مشرۍ كښې په اسلام آباد كښې امن په ځايې كولو له په روانو منصوبو د شوي پېشرفت جاج اغستلو غونډه وشوه۔ په غونډه كښې په اسلام آباد كښې د امن روانې وضعې ٬ اسلام آباد ماډل جېل ٬ اسلام آباد سېف سټي ٬ د ترهګرۍ مخنيوي څانګې او د اسپېشل پروټېكشن يونټ په اړه بريفنګ وركړے شو۔ په غونډه کښې د اسلام آباد قومي سهولت مراكز او نشه يي توكو او د چاودېدونکو توکو د شناخت او په ګوته كولو او ټرېسنګ لپاره د جوړ شويو 9 يونټ په اړه هم بريفنګ وركړے شو٬ د امن په ځاي كولو او د وګړو ته تحفظ وركولو كښې به هېڅ غفلت زغملے نه شي۔ وزيراعظم د اسلام آباد ماډل زندان په ترسره كېدو كښې د تاخير انكوائرۍ هدايت كولو سره ووئيل چې د اسلام آباد ماډل جېل منصوبه دې د عصري غوښتنو له مخې زر تر زره بشپړ كړې شي۔ وزيراعظم په اسلام آباد ماډل زندان كښې د تربيې ادارې او د یو روغتون د جوړولو هدايت وكړو۔ ده ووئيل د سپېشل پروټېكشن يونټ تشكل كولو له دې چينائي پوهانو سره مشاورت وكړے شي۔ وزيراعظم په اسلام آباد سېف سټي منصوبه كښې د عصري تقاضو له مخې د فرانزك لېب جوړولو هدايت كولو سره ووئيل په اسلام آباد كشې دې ټولو امنيتي منصوبو لپاره د مېرټ په بنياد افرادي قوت بھرتي كړې شي او د نړيوال معيار له مخې د ټېكنالوجي رسول باوري كړې شي۔ په غونډه كښې د كورنيو چارو وفاقي وزير محسن نقوي، د منصوبه بندۍ ډپټي چيئرمېن جهانزېب خان، وفاقي سېكترانو او د اړوندو ادارو اعلیٰ افسرانو ګډون وكړو۔
