لاهور 07 دسمبر (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې په تندې سره په بدلېدونكې نړۍ كښې د سوشل مېډيا اهميت د وړاندې نه زيات شوے، د وزيراعظم خواهش دے چې د اولس خېر ښېګړې لپاره وفاقي او صوبائي حكومتونه سوشل مېډيا د يو موثر مېډيم په توګه د كارولو په عرض جامع پاليسي مرتب كړي. د وزيراعظم خاص مرستيال دا خبرې د خالي په ورځ د لاهور په ګورنر هاٶس كښې د اطلاعاتو صوبائي وزير فياض الحسن چوهان سره يو ځائ په دې لړ كښې د يوې غونډې مشري كولو په مهال وكړې. په غونډه كښې د پرېس انفارمېشن ډيپارټمنټ، پېمرا، اېسوسي اېټډ پرېس آف پاكستان ﴿اے پي پي﴾ راډيو پاكستان، پي ټي وي او د ډي جي پي آر افسرانو ګډون وكړو. ډاكټر فردوس عاشق اعوان ووئيل چې د حكومت كاركردګي په ښه ډول وړاندې كولو لپاره د وفاقي او صوبائي وزارتونو ترمېنځه غوره روابط ضروري دي. هغې ووئيل چې بايد په اولس كښې شعور بېدارولو لپاره د حكومت د غوره پالېسو په باره كښې خبرتيا وركولو لپاره د سوشل مېډيا پلېټ فارم په ښه ډول وكارول شي. هغې ووئيل چې د سوشل مېډيا د اولس او د حكومت ترمېنځه د پل كردار دے، د اولسي اړيكو حكومتي ادارې دې سوشل مېډيا د بهترې ذريعه جوړه كړي. هغې ووئيل چې په تندې سره په بدلېدونكې نړۍ كښې د سوشل مېډيا اهميت د وړاندې نه زيات شوے، د وزيراعظم خواهش دے چې د اولس خېر ښېګړې لپاره وفاقي او صوبائي حكومتونه سوشل مېډيا د يو موثر مېډيم په توګه د كارولو په عرض جامع پاليسي مرتب كړي.
