اسلام آباد 14 ستمبر (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان د مظفر آباد٬ آزاد جمو او كشمير او د پاكستاني اولس مننه كولو سره وئيلي دي چې تاسو د كشمير په حق كښې غږ پورته كړې او نړۍ ته مو پېغام وركړے چې مونږ د مقبوضه كشمير وروڼو خوئيندو سره ولاړ يو۔ د خالي په ورځ په خپل يو ټويټ كښې د وزيراعظم خاص مرستيالې د پاكستان او نړيوالې مېډيا او په خاص توګه د هنرمندانو هم مننه وكړه چې دوي خپلې موجودګې سره دا احساس وركړو چې د پاكستان هره طبقه كشميريانو سره ده۔ خاص مرستيالې ووئيل چې وزيراعظم عمران خان به د ملګرو ملتونو عمومي اسمبلۍ ته په خپله وېنا كښې نړۍ په پاكستان او كشمير كښې مېشته اولس د جذباتو او احساساتو نه خبروي۔
