اسلام آباد 02 ستمبر (اے پی پی)د پیټروليم او برېښنا وفاقي وزير عمر ايوب خان وئيلي دي حكومت په هېواد كښې د كاروبار آسانولو او د تېلو او ګاز په اړه د سرمايه كارۍ زياتولو لپاره اقدامات كوي٬د تجديد وړ توان او پیټروليم پالېسۍ اعلان به ډېر زر وكړی شي٬د برېښنا په څانګه كښې 40 ارب ډالره او د وېش كوونكو كمپنو په اړه 20 اربه ډالره سرمايه كارۍ له ګنجائش شته٬حكومت به سرمايه كارو ته ټولې آسانۍ وركوي۔ده د دې خيالاتو څرګندونه د ګل په ورځ آئل اينډ ګاز كنفرنس ته خطاب او د دې څخه وروستو خبريالانو سره خبرو كښې وكړه۔عمر ايوب خان ووئيل حكومت په هېواد كښې په سپيځلې پالېسۍ عمل كوي٬د سرمايه كارۍ زياتوالي څخه به د روزګار موقعې به هم زياتې شي۔د سي پېك له مخې په هېواد كښې لويه سرمايه كاري كېږي او دې سره به زمونږ صنعتي٬كركيله او نورې څانګې وده اومومي ٬د تجديد وړ پالېسۍ په جوړولو كښې نجي څانګې سره هم مشاورت شوې۔ ده ووئېل دا پالېسي به د توان كمېټۍ٬ كابينې او د شرېكې ګټې كونسل ته وړاندې كولې شي۔ده ووئيل د برېښنا پېداوار په اړه د اربونو ډالرو سرمايه كارۍ څخه به د ګرانې برېښنا په ځاې ارزانه برېښنا پېدا شي۔دا مهال انرجي مكس كښې د تجديد وړ توان برخه 3 نه تر 4 فيصده ده۔ ده ووئېل تر كال 2025 به دا 20 فيصده او تر كال 2030 به 30 فيصد ته ورسولې شي۔دا مهال د تجديد وړ توان څخه د برېښنا پیداوار 1600 مېګاواټ دے كوم به چې تر كال 2025 10 زره مېګاواټ او تر كال 2030 به 18 زره مېګاواټ ته ورسيږي
