کوئټه 30 اګست(اے پي پي )د بلوچستان وزيراعليٰ جام کمال خان وئيلي دي د بلوچستان اولس او حكومت د مقبوضه كشمير اولس سره ولاړ دي٬ د وزيراعظم عمران خان په غږ د بلوچستان اولس كشمير سره د يوالي ورځ په لړ كښې پروګرامونو كښې ګډون كولو سره ثابته كړه چې په سخت وخت كښې به كشميريان وروڼه يوازې نه پرېږدو ۔ ده د دې خيالاتو څرګندونه د جمعې په ورځ كشمير سره د يوالي ورځ په لړ كښې لاريون ته خپلې وېنا كښې وكړه۔ په دې موقع د بلوچستان ګورنر امان الله ياسين زئي ،وفاقي وزيره زبهده جلال، د بلوچستان سپيكر عبدالقدوس بزنجو ، دوهم سپيکر سردار بابرخان موسيٰ خېل ،صوبائي وزيران د صوبائي اسمبلۍ غړي ٬ د سول سوسائټۍ غړي او د تعليم ادارو زده كوٶنكو په لويه شميره موجود وو۔ جام کمال خان ووئيل په سخت وخت كښې به كشميري وروڼه تنها نه پرېږدو٬ د مودي سركار د بشري حقونو خلاف ورزيو په ضد د هند دننه هم غږ پورته كېږي او د هند هندوانو آر اېس اېس څخه بېلتون اختيار كړې ۔ ده ووئيل د نړۍ د جمهوري چيمپئن هېواد د جمهوريت په شا څيره نړۍ ته په ډاګه شوې۔ ده ووئيل د وزيراعظم عمران خان په يو غږ ټول قام سړكونو ته په راوتلو د كشمير مظلومانو ته واضح كړې چې ستاسو د آزادۍ د هلو ځلو په تحريك كښې ټول قام ستاسو ملګرتيا كوي۔ د لاريون ګډون كوونكو د هند په ضد او د كشميريانو په حق كښې غږونه ووهل۔ لاريون ته د بلوچستان سياسي او سول سركاري چارواكو سره سره د سول سائټۍ نمانئندګانو هم وېنا وكړه
