اسلام آباد۔30جنوری (اے پی پی) صدر مملکت ڈاکٹر عارف علوی دی پشاور اچ مسیت اچ خودکش دھماکے دی مذمت کریندیں ہوئیں آکھیا جو عبادت کریندیں ہوئی?? مسلماناں تے خودکش حملے کرݨ آلے اسلام، انسانیت اتے پاکستان دے دشمن ہن۔ ایجھی بزدلانہ کاروائیاں قوم دے عزم کوں ڳھٹ نی کر سڳدی۔ پوری پاکستانی قوم دہشت گردی دے خلاف پرعزم اے۔ سنوار کوں ایوان صدر دے پریس ونگ توں ج??ری بیان موجب صدرمملکت مسیت اچ خودکش حملے پاروں نمازیاں دی شہادت تے ݙکھ تے افسوس کیتے۔ انہاں آکھیا جو دہشت گرداں دی نظریاتی بنیاد ختم کرݨ کیتے سارے مکاتب فکر کوں رَل تے کم کرݨا پوسی۔ اسلام شہریاں دے بہیمانہ قتل اتے خودکش حملے دی موکل نی ݙیندا۔ ایجھی دہشت گردانہ کاروائیاں اسلام دی تعلیمات دے منافی ہن۔ انہاں خودکش حملے اچ زخمی تھیوݨ آلیاں دی جلدی صحت یابی، حملے اچ شہی?? تھیوݨ آلیاں دے درجات دی بلندی اتے ورثا کیتے صبر دی دعا کیتی۔
.jpg)
