اسلام آباد 31 اګست (اے پي پي) خارجه وزير شاه محمود قريشي وئيلي دي چې د امريكائي كانګرېس كمېټې لخوا د مقبوضه كشمير په صورتحال د غور كولو اعلان لوي پرمختګ دے۔ د خالي په ورځ په خپله يوه مركه كښې ده ووئيل چې د خارجه چارو په اړه د امريكائي كانګرېس كمېټې غونډه به د كشمير شخړې په اړه ډېره ګټوره ثابته شي۔ ده ووئيل چې بهر مېشته پاكستانيانو د كشمير مسئله په نړيواله كچه په ډاګه كولو كښې مهم كردار ترسره كړے۔ مونږ په ټوله نړۍ كښې د كشمير مسئله په ډاګه كوو او هم دا وجه ده چې اوس په دې مسئله په هر فورم بحث كولې شي۔ ده ووئيل چې وزيراعظم عمران خان به د ملګرو ملتونو عمومي اسمبلۍ ته په خپله وېنا كښې د كشمير مسئله په ښه ډول وړاندې كوي۔
