اسلام آباد12 جنوری(اے پی پی)د(مينځني ختيز)اېډېشنل خارجه سېكرټري رضوان سعيد شېخ د مصر دورې په موقع تېره ورځ د آسيا لپاره د مصر خارجه وزير خاص مرستيال احمد شاهين سره ملاقات كړے ۔د خارجه دفتر وياند لخوا د جمعې په ورځ جاري بيان له مخې په ملاقات كښې په مصر كښې د پاكستان سفير ساجد بلال هم موجود ؤ ۔دوي د سياسي٬تجارتي او سرمايه كارۍ اړيكو پشمول د دوه اړخيزه اړيكو د پراخه چارو جاج واغست۔دوي د دوه اړخيزه اړيكو لا قوي كولو په طريقو هم د خيالاتو څرګندونه وكړه چې پكښې د شريك وزارتي كمېشن راتلونكې غونډې او د كال په آخر كښې په اسلام آباد كښې كلن دوه اړخيزه مشاورت كول شامل دي۔اېډېشنل خارجه سېكرټري او د آسيا لپاره د خارجه وزير خاص مرستيال د 9 نه تر 11 جنورۍ په قاهره كښې د شوي څلورم پاكستان-افريقه تجارتي پرمختګ كنفرنس او سنګل كنټري نندارتون كاميابي وستائېله كوم چې د سفارتي اړيكو قيام 75مې سالګرې په موقع شوے ۔دغسې دوي د پاكستان او مصر ترمينځه د شريكې ګټې په مرسته خبرې اترې مخ په وړاندې بوتللو لپاره په ګاډه كار كولو ته اتفاق وكړو۔
