سيالكوټ 05 جنوري (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې وزيراعظم عمران خان د اولس د هيلو مركز دے، پاكستان او وزيراعظم عمران خان لازم و ملزوم دي، اولس د خپلو ستونزو خاتمه كوونكې يوازې عمران خان ګڼي، وزيراعظم غواړي چې هېواد د بدعنوان عناصرو څخه ځان خلاص كړي چې دغسې د نوي پاكستان رغونه وشي، په منطقه كښې زياتېدونكې كړكېچ پاكستان لپاره د اندېښنې وړ دے، جنګ د كومې مسئلې حل نه وي، وزيراعظم په منطقه كښې امن لپاره هڅې كوي. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان دا خبرې د اتوار په ورځ په سيالكوټ كښې د سوئي ګاز پروژې دستورې ته په خپله وېنا كښې وكړې. د وزيراعظم خاص مرستيالې ووئيل چې په منطقه كښې زياتېدونكې كړكېچ پاكستان لپاره د اندېښنې وړ دے، جنګ د كومې مسئلې حل نه وي، وزيراعظم په منطقه كښې امن لپاره هڅې كوي. وزيراعظم تل د مذاكراتو خبره كړې. وزيراعظم د ټولو مسئلو حل د خبرو د لارې غواړي. هغې ووئيل چې د مودي حكومت د مسلمانانو په ضد چالونه كوي، د هندي اقداماتو په ضد په خپله په هند كښې احتجاج روان دے، د هندوستان مكرو او د رياستي ترهګرې څېره نړۍ ته څرګنده شوې. هغې ووئيل چې د كرپټ نظام بدلولو نه بغېر هېواد پرمختګ نه شي كولې. هغې ووئيل چې كال 2020م به اولس لپاره د ريليف كال وي. هغې ووئيل چې وزيراعظم نړۍ ته وائي چې په پاكستان كښې سرمايه كاري وكړئ. عمران خان د پاكستان روښانه او پرمختللې څېره نړۍ ته ښائي. هغې ووئيل چې د تحريك انصاف حكومت د اولس ستونزې حل كولو لپاره اقدامات كوي.
