منامه 16 دسمبر (اے پي پي) وزیراعظم عمران خان د بحرېن يوه ورځنۍ سركاري دوره بشپړولو نه پس د منامه نه راروان شو٬ د بحرېن ولي عهد سلمان بن حمد عیسیٰ الخلیفه په هوائي مېدان وزیراعظم رخصت كړو۔ د بحرېن باچا حمد بن عیسی بن سلمان الخلیفه وزیراعظم عمران خان ته د بحرېن دورې او د بحرېن د قامي ورځ په دستوره كښې د اعزازي مېلمه په توګه د ګډون كولو بلنه وركړې وه۔ د دې نه وړاندې چې كله وزيراعظم عمران خان د بحرېن په وړومبنۍ سركاري دوره منامه ته ورسېدو نو ولي عهد سلمان بن حمد بن عیسی الخلیفه د دوي تود هركلے وكړو۔ په دې موقع ولي عهد په يوه دستوره كښې وزیراعظم عمران خان ته د بحرېن اعلٰې ترين سول اېوارډ هم وركړو۔ وزیراعظم د بحرېن قامي ورځ په دستوره كښې د اعزازي مېلمه په توګه ګډون كړو۔ د دې نه علاوه وزیراعظم عمران خان او د بحرېن ولي عهد سلمان بن حمد بن عیسیٰ الخلیفه ترمېنځه په الغدیبیه پېلس كښې ملاقات وشو۔ د ملاقات په مهال د پاكستان او بحرېن ترمېنځه په دوه اړه خيزه چارو او په سيمه ايز صورتحال د خيالاتو څرګندونه وشوه۔ د دې نه وړاندې وزيراعظم ته الغديبيه پېلس په راتګ ګارډ آف آنر وړاندې كړې
