اسلام آباد 21 جولائي (اے پي پي) خارجه وزير شاه محمود قريشي په ډي آئي خان د ځانمرګي بريد سخته غندنه كولو سره په دې كښې په ځاني زيان خواشيني ښودلې۔ د اتوار په ورځ د غمرازې په پېغام كښې ده ووئيل چې دې بزدلانه فعل سره د امن او امان خرابولو ناكامه هڅه شوې٬ داسې بزدلانه فعاليتونو سره به زمونږ حوصلې كمزورې نه شي۔ شاه محمود قريشي ووئيل چې په روغتونونو د ترهګرې بريدونه كوونكي د انسانيت بدتره دښمنان دي او مونږ به د ترهګرې دا لعنت له مېنځه وړو۔ ده ووئيل چې د وظيفې په مهال شهادت ترلاسه كوونكي پوليس ملازمين قوم لپاره د فخر وړ دي۔ ده د شهيدانو لوړو درجو او د ژوبل شويو زر روغتيا لپاره دعا وكړه۔
