اسلام آباد – 20 – اپريل (اي پي پي) وزيراعظم محمد شهباز شريف چيو آهي ته جديد ترين روبوٽڪ سرجري جهڙي اهم قدم جي شروعات تي پاڪستان ڪڊني اينڊ ليور انسٽيٽيوٽ (ڪي ايل آئي) اسپتال جي انتظاميا ۽ ڊاڪٽرز ساراهه لائق آهن. پنهنجي ٽوئيٽ ۾ هن چيو ته هي عظيم فلاحي منصوبو اڳوڻي چيف جسٽس ثاقب نثار جي ظلم جو شڪار رهيو. انشاءَ الله اهو ڏينهن پري نه آهي جڏهن پي ڪي ايل آئي جگر ۽ گردي جي علاج ۽ پيوندڪاري جي حوالي سان پاڪستان جي جان هوپڪنز بڻجندي.
