اسلام آباد – 21 – مارچ (اي پي پي) وزيراعظم محمد شهباز شريف آل پاڪستان نيوز پيپر سوسائٽي (اي پي اين ايس) جي نئين چونڊيل عهديدارن کي مبارڪباد ڏيندي چيو آهي ته اي پي اين ايس ملڪ ۾ جمهوريت ۽ اظهار راءِ جي آزادي جي لاءِ سدائين مثبت ڪردار ادا ڪيو آهي، اميد آهي نوان چونڊيل عهديدار ميڊيا انڊسٽري جي فروغ جي حوالي سان پنهنجو ڀرپور ڪردار ادا ڪندا. وزيراعظم آفيس جي پريس ونگ موجب وزيراعظم ناز آفرين سهگل لاکاڻي کي اي پي اين ايس جو بنا مقابلي صدر، سرمد علي کي سيڪريٽري جنرل، امتنان شاهد ۽ محمد اسلم قاضي کي نائب صدر ۽ ايس ايم منير جيلاني کي جوائنٽ سيڪريٽري، شهاب زبيري کي فنانس سيڪريٽري چونڊجڻ تي مبارڪباد ڏني آهي. هن چيو ته اي پي اين ايس ملڪ ۾ صحافت جي فروغ ۾ اهم ڪردار ادا ڪيو آهي، ميڊيا انڊسٽري جي ترقي ۽ مسئلن جي حل لاءِ اي پي اين ايس جي نئين چونڊيل عهديدارن کي هر ممڪن تعاون فراهم ڪنداسين. وزيراعظم چيو ته اي پي اين ايس ميڊيا صنعت جو اهم ٿنڀ آهي، اميد آهي ته نوان چونڊيل عهديدار ميڊيا انڊسٽري جي فروغ جي حوالي سان پنهنجو ڀرپور ڪردار ادا ڪنداسين.
