اسلام آباد-14 ڊسمبر (اي پي پي) تاجڪستان جي صدر امام علي رحمان جو وزيراعظم هائوس پهچڻ تي شاندار استقبال ڪيو ويو. تاجڪستان جي صدر جي اعزاز ۾ باضابطه استقباليه تقريب وزيراعظم هائوس ۾ منعقد ٿي. وزيراعظم محمد شهباز شريف معزز مهمان جو استقبال ڪيو. ان موقعي تي هٿياربند فوج جي جٿي تاجڪستان جي صدر کي گارڊ آف آنر پيش ڪيو. تاجڪستان جي صدر پنهنجي وفد جي ميمبرن جو وزيراعظم محمد شهباز شريف سان تعارف ڪرايو، جڏهن ته وزيراعظم پنهنجي ڪابينه جي ميمبرن سان تاجڪستان جي صدر سان ملرايو.
