اسلام آباد۔30جولائی (اے پی پی) وفا??ی وزیر انسانی حقوق سینیٹراعظم نذیر تارڑ نال پاکستان وچ آسٹریلیا دے ہائی ک??شنر نیل ہاکنزملاقات کیتی۔ ملاقات وچ پاکستان وچ انسانی حقوق دے ودھارے اتے تحفظ کیتے جاری ݙو طرفہ تعاون تے ڳالھ مہاڑ کیتی ڳئی ۔ وزارت انسانی حقوق توں جاری پریس ریلیز موجب ایں موقع تے وزارت انسانی حقوق دے سیکرٹری عبدالخالق شیخ وی موجود ہن۔ملاقات وچ فریقاں انسانی حقوق ݙیوݨ دے ودھارے کیتے ݙو پاسے تعاون کوں مزید تکڑا بݨاوݨ اتے حقوق تے مبنی جامع حکمرانی دے بہترین عالمی تجربیں دے تبادلے تے زور ??تا۔ ہائی ک??شنر انسانی حقوق دے قوانین، پالیسیاں اتے ادارہ جاتی اصلاحات دے حوالے نال پاکستان دی اڄوکی پیش رفت دی تعریف کیتی ۔ انہاں کمزور اتے محروم طبقیں دے حقوق دے تحفظ کیتے حکومت پاکستان دیاں کوششاں کوں قابل تحسین قرار ݙتا۔وفا??ی وزیر ہائی ک??شنر کوں خوش آمدید آکھیا اتے پاکستان دی طرفوں سارے طبقات کیتے جامع انسانی حقوق دے تحفظ دے عزم دا اعادہ کیتا۔ انہاں وزارت دے اہم اقدامات دا ݙسیندے آکھیے قومی ایکشن پلان انسانی حقوق تے عملدرآمد جاری اے جیں دے چھ سٹریٹجک شعبہ جات وچ قانونی اصلاحات، انصاف تئیں رسائی، ادارہ جاتی مضبوطی اتے عالمی معاہدیں تے عملدرآمد شامل ہن۔وزیر انسانی حقوق اڄوکی قانون سازی اتے ساختی اصلاحات دا وی ݙسایا ۔ انہاں وچ سزائے موت متعلق پیش رفت شامل اے جنہاں وچ ہݨے ہی وچ سینیٹ توں منظور شدہ او ترامیم وی شامل ہن جنہاں دے تحت کجھ جرائم کیتے سزائے موت ختم کرتے سخت سزاواں اتے قانونی تحفظات کوں متعارف کروایا ڳئے۔ ݙوجھے اہم اقدامات وچ اسلام آباد کیپیٹل ٹیریٹری چائلڈ میرج ری سٹرینٹ ایکٹ 2025 دے ذریعے گھٹ عمر دیاں شادیاں دے خلاف تحفظات کوں مزید مؤثر بݨایا ڳئے اتے نیشنل کمیشن فار مائنارٹیز رائٹس ٻل 2025 دی منظوری شامل اے۔وفا??ی وزیر مذہبی اقلیتاں متعلق حساس قوانین جیڑھے توہین مذہب دے غلط استعمال تے ریاستی ردعمل اتے ایں حوالے نال قانونی و ادارہ جاتی اصلاحات تے وی روشنی پاتی۔ فریقاں انسانی حقوق دے شعبے وچ ݙوپاسے تعاون کوں مزید ودھاوݨ دا عزم کیتے تے مساوات، شمولیت اتے وقار جیھے سانجھے اصولاں دے ودھارے کیتے سانجھی شراکت جاری رکھݨ تے اتفاق کیتا۔
