اسلام آباد۔25اگست(اے پی پی)وفاقی وزیر داخلہ محسن نقوی آکھیے جو کے پی کے پولیس اتے سی ٹی ڈی فتنۃ الہندوستان دے دہشتگرداں دے ناپاک عزائم کوں مٹی اچ ملائے، فتنۃالہندوستان دے دہشتگرداں دے مکمل خاتمے کیتے ساݙیاں بہادر فورسز پُر عزم ہن، قوم کوں آپݨے بہادر سپوتاں تے ماݨ اے۔ آپݨے بیان اچ وزیر داخلہ محسن نقوی اپر دیر اچ فتنۃ الہندوستان دے دہشتگرداں دے خلاف کامیاب آپریشن ??ے خیبرپختونخوا پولیس اتے سی ٹی ڈی کوں خراج تحسین پیش کیتا۔ انہاں 5 دہشتگرداں کوں جہنم واصل کرݨ تے پولیس اتے سی ٹی ڈی دیاں پیشہ ورانہ صلاحیتاں دی تعریف کیتی۔ انہاں آکھیا جو فتنۃالہندوستان دے دہشتگرداں دے خلاف کامیاب آپریشن فورسز دیاں پیشہ ورانہ صلاحیتاں دا کھلا ثبوت اے، دہشتگردی کوݨ منݙھو مکاوݨ کیتے پوری قوم فورسز دے نال کھڑی اے۔ وزیر داخلہ محسن نقوی زخمی تھیوݨ آلے پولیس اہلکاراں دی تیکھے صحت یابی دی دعا کیتی۔
