اسلام آباد۔28اگست (اے پی پی) ??فا??ی وزیر قومی غذائی تحفظ و تحقیق رانا تنویر حسین کساناں دے مفادات دے تحفظ اتے کݨک دی منڈی دے استحکام دے ذریعے غذائی آپݨی لوڑھ آپوں پورا کرݨ دے عزم دا اعادہ کیتے۔ ??فا??ی وزیر دی اڳواݨی اچ اتھاں ویٹ بورڈ دا 8 واں اجلاس منعقد تھئے۔ اجلاس اچ ملک اچ کݨک دی طلب و رسد دی صورتحال اتے ربیع سیزن 26-2025 کیتے اہم زرعی چیزاں دی دستیابی دا تفصیلی جائزہ ڳھدا ڳئے۔ وزارت قومی غذائی تحفظ و تحقیق موجب اجلاس توں خطاب کریندیں ??فا??ی وزیر رانا تنویر حسین آکھیے جو ملک اچ کݨک دی دستیابی 33.47 ملین میٹرک ٹن اے جݙاں جو قومی لوڑھ 33.58 ملین میٹرک ٹن اے۔ ایویں صرف 0.11 ملین میٹرک ٹن دا معمولی فرق سامݨے آندے۔ انہاں واضح کیتا جو اے گھٹکی ٻہوں گھٹ اے اتے ملک اچ کݨک دے ذخیرے دے حوالے نال کہیں طرح دے تشویش دی لوڑھ کائنی۔ ??فا??ی وزیر صاف اعلان کیتا جو موجودہ حال اچ پاکستان کݨک درآمد نہ کریسی کیوں جو موجودہ ذخیرے ملکی قومی لوڑھاں پورا کرݨ کیتے کافی ہن۔ انہاں آکھیا جو حکومت دی پہلی ترجیح مقامی کساناں دے مفادات دا تحفظ اے، نہ جو منڈیاں یا وپاریاں دا۔ انہاں ایں ڳالھ تے زور ݙتا جو یوریا اتے ݙوجھیاں زرعی چیزاں دی وافر فراہمی آوݨ آلے ربیع سیزن کیتے یقینی بݨا ݙتی ڳئی اے تاں جو کاشتکاراں کوں فصل رہاوݨ اچ کہیں اوکھ دا سامݨا نہ تھیوے۔ انہاں اطمینان ݙیوایا جو عالمی سطح تے کھاداں دیاں قیمتاں اچ ودھارے دے باوجود حکومت ملک اچ کھاداں دیاں قیمتاں کوں سختی نال کنٹرول اچ رکھیے تاں جو پیداوار دی لاڳت ??ساناں دے پُڄ اچ رہوے۔ رانا تنویر حسین خبردار کیتا جو صوبائی سطح تے کہیں وی طرح دی اوکھی اتے غیر ض??وری پالیسی بݨاوݨ، خاص طور تے پنجاب اچ، منڈی اچ خوف و ہراس کھنڈاوݨ اتے صورتحال کوں وڳاڑݨ دی وجہ بݨ سڳدی اے۔ انہاں آکھیا جو اٹھارہویں آئینی ترمیم دے بعد اختیارات صوبیں کوں منتقل تھی ڳئن، جیں دی وجہ نال کجھ ویلھے قومی سطح تے زرعی پالیسیاں دے نفاذ اچ مسئلے پیش آندے ہن۔ انہاں ??فا??ی اتے صوبائی حکومتاں وچال بہتر ہم آہنگی تے زور ݙتا تاں جو پالیسیاں دا موثر نفاذ یقینی بݨایا ونڄ سڳے۔ ??فا??ی وزیر مزید آکھیا جو ملک اچ پائیدار غذائی تحفظ کیتے ضروری اے جو فی ایکڑ کݨک دی پیداواراچ ودھارا کیتا ونڄے اتے کاشتکاری دی لاڳت ??ھٹ کیتی ونڄے، جیں کیتے نویں ٹیکنالوجی، چیزاں دے موثر استعمال اتے کساناں دی مدد ضروری اے۔ انہاں آکھیا جو اساں کوں وقتی اقدامات دی بجائے پائیدار حل تے توجہ ݙیوݨی ہوسی تاں جو کساناں کوں با اختیار بݨا تے کݨک دی پیداوار اچ آپݨی لوڑھ آپوں پوری کرݨ ڳھدی کیتی ونڄ سڳے۔ اجلاس دے چھیکڑ اچ ایں عزم دا اعادہ کیتا ڳئے جو وزارت قومی غذائی تحفظ و تحقیق صوبیں دے نال نیڑے تعاون دے ذریعے کساناں دے مفادات دے تحفظ اتے عوام کوں کݨک بغیر رکاوٹ ݙیوݨ یقینی بݨیسی۔
