اسلام آباد۔28اگست (اے پی پی) وزیراعظم محمد شہباز شریف پنجاب دے چھل توں متاثرہ علاقیں دے دورے تے روانہ تھی ڳئن۔ وزیراعظم دفتر دے میڈیا ونگ توں جاری بیان دے موجب روانگی توں پہلے اتے فضائی جائزے دے دوران چیئرمین این ڈی ایم اے لیفٹیننٹ جنرل انعام حیدر ملک اچ مجموعی چھل دی صورتحال تے وزیراعظم کوں تفصیلی بریفنگ ݙتی۔ وزیراعظم کوں پنجاب دے دریاواں اچ طغیانی اتے زیر آب علاقیں اچ ریسکیو و ریلیف آپریشن بارے تفصیلی بریف کیتا ڳئے۔ وزیراعلیٰ پنجاب مریم نواز شریف وی لاہور توں وزیراعظم دے نال نارووال روانہ تھئن اتے پرواز دے دوران انہاں نال چھل دی صورتحال بارے ڳالھ مہاڑ کیتی۔ چیئرمین این ڈی ایم اے صورتحال اتے حکومت دی طرفوں کیتے ڳئے اقدامات دا ݙسایا۔ بیان موجب وزیراعظم محمد شہباز شریف چھل آلے علاقیں دا فضائی جائزہ گھندیں چھل دی صورتحال توں بچݨ اتے ریلیف آپریشن اچ سارے ضروری اقدامات کرݨ دیاں ہدایات جاری کیتیاں۔ وزیراعظم اتے وزیراعلیٰ کوں نارووال اچ تفصیلی بریفنگ ݙتی ویسی۔
